Kardinal, may paalala sa mga Pinoy
Bunsod ng trahedya sa Nepal
MANILA, Philippines — Naglabas ng paalala ang isang cardinal ng Simbahang Katolika para sa mga Pinoy kasunod na rin ng trahedyang naganap sa Nepal kamakailan.
Sa isang pahayag, nagpaalala si Kalookan Bishop Pablo Virgilio Cardinal David na hindi na lamang usapin ng hinaharap ang epekto ng climate change.
“Climate change is no longer something we can speak about merely in the future tense,” aniya.
Tinukoy pa ng kardinal ang sakuna sa Himalayan region, malapit sa hangganan ng Nepal at Tibet, kung saan malaking bahagi ng glacier ang bumagsak sa lambak at nagdulot ng pagragasa ng tubig, putik, bato at iba pang debris at nagresulta sa pagkamatay ng daan-daang indibidwal.
Ayon kay David, ang naturang sakuna ay paalala na ang mga pangyayari sa kabundukan ay may direktang epekto sa mga pamayanang nasa ibaba.
“What happens high above us does not remain there. When mountains of ancient ice collapse, whole communities thousands of meters below can be swept away within minutes,” aniya.
Inihambing pa ng kardinal ang pangyayari sa Nepal sa karanasan ng mga Kapampangan sa pagragasa ng lahar mula sa Mount Pinatubo matapos ang pagputok nito noong 1991.
“People described it as a herd of rampaging bulls coming down from the mountain. We know what it is like to watch a mountain come down as a river,” pahayag pa ni David.
Kaugnay nito, hinimok ni David ang mga mananampalataya na ipanalangin ang Nepal, lalo na ang mga pamilyang nawalan ng mahal sa buhay, mga nasugatan, nawawala at lumikas dahil sa trahedya.
Binigyang-diin din ng kardinal ang pananagutan ng bawat isa sa pangangalaga sa kalikasan.
- Latest
