2 bagyo sa labas ng PAR, patuloy na binabantayan
MANILA, Philippines — Dalawang bagyo ang patuloy na sinusubaybayan ng PAGASA sa labas ng Philippine Area of Responsibility (PAR).
Isa sa mga binabantayan ng PAGASA ang bagyong Saudel na dating bagyong Obet habang nasa PAR. Namataan si Saudel alas-8 ng umaga, Agosto 25, sa layong 1,120 km silangan-hilagang silangan ng extreme northern Luzon.Taglay ang lakas ng hangin na 150 kph at pagbugso hanggang 185 kph. Kumikilos ito pa-kanlurang hilagang-kanluran sa bilis na 20 kph.
Namataan naman ang ikalawang Tropical Depression Atsani sa layong 1,705 km silangan ng extreme northern Luzon. May lakas ito na 45 kph at pagbugso hanggang 60 kph at kumikilos pa-hilaga sa bilis na 15 kph. Samantala ang dating LPA na Neneng ay natunaw na.
Karamihan sa Luzon, kabilang ang Metro Manila, ay apektado ng Habagat na nagdudulot ng maulap na kalangitan at kalat-kalat na pag-ulan.
- Latest
