Talosig naka-bronze sa 4th SEA Open Water C’ship
BORACAY, Philippines — Inangkin ni Jie Angela Mikaela Talosig ang bronze medal sa pagsasara ng 4th Southeast Asia Open Water Championships dito sa Boracay Newcoast.
Nagsumite ang La Salle varsity swimming team mainstay ng bilis na isang oras, 18 minuto at 57 segundo sa women’s 20-year-old and above division para sa podium finish sa kanyang international debut.
Nauna nang nanalo si Talosig ng gold sa women’s 800-meter freestyle at dalawang bronzes sa nakaraang UAAP Season 88 swimming meet sa New Clark City Aquatics Center sa Capas, Tarlac.
“Honestly, I was just wanted to experience competing at the international level so to win a bronze medal for my efforts and in front of a hometown crowd at that is a pleasant surprise,” ani ng 20-anyos na si Talosig.
Si Nadya Sirasawati ng Indonesia ang kumuha sa gold sa kanyang oras na 1:07.23 kasunod si Musikul Hirunhas ng Thailand na nagtala ng :09.15 para sa silver sa event na inihandog ng Philippine Sports Commission, inorganisa ng Philippine Aquatics Inc. at may basbas ng Southeast Asian Federation.
Lumangoy din ng bronze si Julia Jewels Pobleto sa girls 12-13-year-old 3-km sa kanyang tiyempong 50:40 segundo sa likod nina Kanchana Konsub (47:16) at Aliyah Sawangmun (49.48) ng Thailand na sinikwat ang gold at silver, ayon sa pagkakasunod.
Bigo naman sa tanso si Alfonso Joaquin de Mesa nang pumang-apat sa boys 14-15-year-old class.
- Latest
