Lao hinirang na PNVF president

MANILA, Philippines — Iniluklok kahapon si Frank Lao bilang pangulo ng Philippine National Volleyball Federation (PNVF) na ang bagong board of directors ay tinawag na ‘committed’ ni  Philippine Olympic Committee (POC) president  Abraham “Bambol” Tolentino.

Kasabay nito ang pagsosoli ng POC ng pagiging “caretaker” ng PNVF na naunang sinuspinde ng volleyball world governing body (FIVB) dahil sa kabiguang sumunod sa patakaran.

“This is a ‘committed team’ and I believe they could sustain the progress of volleyball that started when the PNVF was established in 2021,” wika ni Tolentino matapos ang eleksyon.

Inihalal din sa kanilang mga posisyon sina Atty. Donn Kapunan (vice president), Rommel Ng (treasurer), POC secretary-general  Atty. Wharton (auditor) at board of trus­tees Sienna Olaso, Francis Chad Salimbangon, ?Carmela Gamboa, ?Rustico Camangian, Mohamad Bernan Jr. at ?Jonas Cabochan.

Pasok din si Asian Volleyball Confederation president Ramon “Tats” Suzara, ang unang PNVF president, sa board, habang tinapik si Donaldo Caringal bilang secretary-general.

Ihahayag ang dalawa pang miyembro ng 13-member board—male at female representative mula sa athletes’ commission.

Binuo ang Alas Pilipinas Men at Women teams sa i­lalim ng pamamahala ng POC para sa 20th Asian Games sa Aich-Nagoya, Japan sa Setyembre.