Marcoleta, nag-plead ng ‘not guilty’ sa plunder
MANILA, Philippines — Nagpasok ng not guilty plea si Sen. Rodante Marcoleta sa kasong plunder at paglabag sa Presidential Decree 46 sa isinagawang pagbasa ng sakdal sa Sandiganbayan Third Division, kahapon.
Isinagawa ang arraignment matapos bawiin ng kampo ng senador ang naihain nitong motion to quash, dahilan upang simulan ng graft court ang pag-aksyon sa dalawang kaso.
Nagpasok din ng not guilty plea ang kapwa akusado ni Marcoleta na si Joseph Varias Espiritu, isang negosyanteng kaibigan ng senador.
Ang kaso ay nag-ugat sa umano’y pagtanggap ni Marcoleta ng campaign fund na nagkakahalaga ng P75 milyon na hindi naideklara sa kanyang Statement of Contributions and Expenditures (SOCE) para sa senatorial elections noong 2025.
Ayon sa Ombudsman, hawak nila ang ebidensiya kaugnay ng tatlong cash donations na may kabuuang P75 milyon na hindi umano idineklara ng senador. Giit ng mga kaibigan ni Marcoleta, nais umano nilang manatiling anonymous ang pinagmulan ng pondo.
Samantala, sa kasong paglabag sa Presidential Decree 46, ipinagbabawal ng batas ang pagtanggap ng anumang uri ng regalo ng isang public official.
- Latest
