Kinahanglan ba ang Last Will and Testament kon dunay mga properties?

Dear Atty. Divine,

Ako ug ang akong bana adunay na acquire nga properties gumikan sa kita sa among negosyo. Kining tanan nakapangan namong duha. Mga senior citizen na mi ug aduna mi tulo ka mga anak nga pulos na kini adunay ilang pamilya. Ang akong pangutana kUn gikinahanglan ba mi nga magpahimo og Last Will and Testament? Daghang salamat. — Cherry

Dear Cherry,

Basi sa atong balaod, ang mga anak pulos mga compulsory heirs sa ilang mga ginikanan. Buot ipasabot nga kun motaliwan na ang parents ang mga anak maoy mo-inherit sa tanang kabilin niini. Kun walay gibilin nga Last Will ang mga ginikanan, ang mga anak magbahin sa kabilin in equal share, ug mamahimo silang mo execute og Extrajudicial Partition kun sila magkasinabot kun unsaon nila pagbahin ang properties. Kun di sila magkasinabot, mamahimo sab sila nga modangop sa korte aron ang korte na ang mag bahin-bahin niini. Apan kon gusto ka nga dili lalisan sa imong mga anak ang inyong kabilin, mas maayo nga magpahimo ka og ang imong bana og Last Will and Testament nga diin inyong idetalye ug i-assign na sa inyong mga anak daan ang property nga inyong ihatag kanila. Thank you and God bless. —Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.