Visa fee pa-Japan tataas ng 5 beses
MANILA, Philippines — Simula Hulyo 1, 2026, ipatutupad ng pamahalaan ng Japan ang bagong bayarin para sa mga visa ng mga dayuhan.
Ayon sa ulat, napagpasyahan sa isang ministerial meeting na itaas ang singil sa single-entry visa mula ¥3,000 (P1,133.95) tungo sa 15,000 Yen (P5,671.00). Samantala, ang multiple-entry visa ay tataas mula ¥6,000 (P2,267.73) tungo sa ¥30,000 (P11,300).
Ang desisyon, na ginawa sa pulong ng gabinete noong Biyernes, ay itinuturing na unang rebisyon sa visa fees sa loob ng 48 taon, mula pa noong 1978.
Ipinaliwanag ni Foreign Minister Toshimitsu Motegi na ang pagbabago ay sumasalamin sa pagtaas ng presyo sa pangkalahatan, ngunit hindi niya inaasahan na magkakaroon ito ng agarang epekto sa papasok na turismo.
Dagdag pa rito, sinabi ni Japanese Ambassador to the Philippines Endo Kazuya na pinag-aaralan ng Japan ang mga hakbang upang gawing mas madali ang paglalakbay ng mga Pilipino patungo sa kanilang bansa.
- Latest
