Putin pinalaya 24 Pinoy na nakapiit sa Russia

MANILA, Philippines — Pinayagan ni Russian President Vladimir Putin na mapalaya ang may 24 Fillipino na nakapiit sa Irkutsk sa Siberia.

Ito ang inanunsiyo ni Pangulong Ferdinand Marcos Jr. sa Kapihan press briefing sa Kaza, Russia, matapos ang ASEAN-Russia Commemorative Summit.

Ang naturang mga Filipino ay sinasabing nakapiit dahil sa immigration issues matapos silang mabiktima ng illegal recruiters at nakalulong ng halos siyam na buwan.

Ayon kay Pangulong Marcos, tinawag niya ang atensyon ni Putin tungkol sa naturang mga Pinoy sa kanilang bilateral meeting na agad namang pinalaya ang may 24 Pinoy at ngayon ay ipapa-deport na pabalik dito sa bansa.

“Nong nag-bilateral meeting kami ni President Putin, binanggit ko ito. At nagulat din siya. Ang sabi niya, ‘Hindi ko alam yan, pag-aaralan namin, titingnan namin ang nangyari,” ayon kay Marcos.

Wala naman aniyang iba pang balita tungkol sa kondisyon ng 24 Pinoy maliban na wala silang iba pang kaso.