Top-Performing Mayors, Reps sa NCR - RPMD

MANILA, Philippines — Inilabas ng RPMD Foundation Inc. ang pinakabagong resulta ng kanilang “Index of Governance” (IOG), na kumikilala sa mga ‘Top-Performing Mayors at Representatives” sa National Capital Region batay sa pinagsamang ‘trust’ at ‘performance’ ratings.

Nanguna sa NCR Mayoral rankings sa ilalim ng “Tier 1” category sina QC Mayor Joy Belmonte na may 88.3% IOG score mula sa 87.5% trust at 89.2% performance ratings, Malabon Mayor Jeannie Sandoval 87.4%, Navotas Mayor John Rey Tiangco 86.5%, at Valenzuela Mayor Wes Gatchalian 86.4%.

Ayon sa RPMD, kabilang ang apat sa “Tier One” dahil sa dikit-dikit na scores na nagpapakita ng mataas na public trust at governance performance.

Kasama rin sa NCR’s top-performing Mayors sina Along Malapitan (Caloocan) na may 85.9% IOG score, Emi Calixto-Rubiano (Pasay) 85.7%, Vico Sotto (Pasig) 85.6%, at Isko Moreno (Manila) 85.1%. Sinabi ng RPMD na ipinapakita ng rankings ang malakas na approval at consistent governance performance sa mga highly urbanized areas.

Samantala, nanguna sa NCR District Representative rankings sa ilalim ng “Top Tier” category sina Toby Tiangco ng Navotas na may 88.2% IOG score, Miro Quimbo ng Marikina 87.9% at Ralph Tulfo ng QC na may 86.7%.

Ayon sa RPMD, kabilang sila sa parehong Top Tier category dahil sa statistical proximity ng kanilang scores na nagpapakita nang mataas na constituent trust at legislative performance.

Top-performing din sina Cong. Brian Yamsuan (86.1%) ng Paranaque, PM Vargas (85.8%) ng QC, Oca Malapitan (85.1%) ng Caloocan, Marivic Co-Pilar (84.8%) ng QC, Dean Asistio (84.2%) ng Caloocan, Edward Galang (84.6%) ng Valenzuela, Benny Abante (83.8%) ng Manila, Ernix Dionisio (81.7%) ng Manila, at Giselle Maceda (80.9%) ng Manila.

Isinagawa ang survey mula Abril 1-8, 2026 sa pamamagitan ng face-to-face interviews sa 3,500 randomly selected respondents.

Ayon kay Dr. Paul Martinez, at IOG ay isang komprehensibong governance assessment tool na sumusukat sa mga lider hindi lamang sa popularidad kundi pati sa governance delivery, responsiveness, public service effectiveness, at kumpiyansa ng mamamayan.