Super typhoon nagbabantang pumasok sa PAR
MANILA, Philippines — Isang aktibong tropical cyclone ang namataan ng sa labas ng Philippine Area of Responsibility (PAR) na inaasahang magiging isang Super Typhoon oras na ito ay pumasok sa bansa.
Ayon sa PAGASA, ang bagyo sa labas ng PAR ay namataan sa layong 2,845 kilometro silangan ng northeastern Mindanao taglay ang lakas ng hangin na 55 kilometro bawat oras at may pagbugso ng hangin na umaabot sa 70 kilometro bawat oras.
Oras na pumasok ito sa PAR, ang bagyo ay tatawaging Caloy.
Sa kasalukuyan, ang naturang bagyo ay wala pang epekto sa ating bansa laluna sa Eastern Visayas.
Ayon sa PAGASA, may tsansang magbago ng direksyon ang bagyo pero may mababang tsansa na bumagsak sa lupa.
Kahapon ng umaga, ang ridge of a high pressure area (HPA) ay nakakaapekto sa Northern at Central Luzon samantalang magdadala ng mga pag-ulan sa ibat ibang bahagi ng bansa ang localized thunderstorms.
- Latest
