1 pang school attack sa Leyte napigilan - DILG
MANILA, Philippines — Napigilan ng mga awtoridad ang isang posibleng school attack sa Tolosa, Leyte.
Ito ay ayon kay Interior Secretary Jonvic Remulla nang tumawag sa kanya si Sen. Bam Aquino para ipagbigay alam na mayroong chatter sa Tacloban na nagbabalak na magsagawa ng mass shooting.
“At 8 o’clock PM last night, Senator Bam Aquino called me. And to my estimation, he was in Tacloban,” pahayag ni Remulla. “He gave me a tip na sabi niya may chatter daw sa Tacloban na meron pang isang impending mass shooting na mangyayari sa Leyte.”
Sabi ni Remulla, agad na natukoy ng mga imbestigador ang facebook posts ng isang 14-anyos na Grade 10 student na magsagawa ng mass shooting o stabbing o pananaksak sa Tolosa National High School.
Nakalagay aniya sa post ang “You owe me. Get ready, I will disrupt the school... Be prepared for whoever gets stabbed or shot. We don’t care. Good luck to you.”
Ayon kay Remulla, nang puntahan ang bahay ng estudyante, nadiskubre na gumawa ang babaeng estudyante ng maraming Facebook accounts at ipinapakalat ang mga posts dahilan para maalarma ang mga estudyante, magulang at ang publiko.
“Sinabi niya, nag-post na siya na may mangyayari [sa school]. Noong nalaman namin, inaktuhan agad namin,” pahayag ni Remulla.
“Hello, send this to your friends. Yo, from Tolosa. Prepare yourselves, especially you, as you owe me. Get ready. I will disrupt the school. You won’t know me, but you will recognize me. There’s no time, no day. Be prepared for whoever gets shot or stabbed,” bahagi ng post ng estudyante.
Agad naman aniyang binura ng estudyante ang mga post.
Nabatid na walang nakitang ebidensya ang mga imbestigador na may access ang estudyante sa baril o mayroong organized plot.
“The threat appears to be neutralized and inactive. No evidence of an organized plan or involvement of others was found, and neither [she] nor her family had access to firearms,” pahayag ni Remulla. “It is possible that she was influenced by a recent shooting at San Jose National High School.”
Hinikayat naman ni Remulla ang publiko na agad na tumawag sa 911 kung may na-monitor na banta sa seguridad.
- Latest
