Palasyo: 4-day work week pag-aaralan

MANILA, Philippines — Handa ang Palasyo na pag-aralan ang mungkahing 4-day work week bilang bahagi ng mga hakbang sa pagtitipid sa enerhiya, sa gitna ng inaasahang epekto sa bansa ng tumitinding tensyon sa pagitan ng Iran at Israel.

Sinabi ni Palace Press Officer Atty. Claire Casto na maaari itong pag-aralan ng pamahalaan lalo na kung mas lalala pa ang sitwasyon sa Gitnang Silangan.

Nilinaw naman ni Castro na sa ngayon ay wala pang pormal na talakayan tungkol sa nasabing panukala.

Ang 4-day work week at work from home arrangement ay ipinatupad na noon sa ilang tanggapan ng pamahalaan sa kasagsagan ng COVID-19 pandemic.

Nauna na rin sinabi ni Pangulong Ferdinand Marcos Jr. na may direktiba na siya sa lahat ng ahensiya ng gobyerno at sa publiko na magpatupad ng mga hakbang sa pagtitipid sa enerhiya.