Enrile may pneumonia, nasa ICU

MANILA, Philippines — Inihayag ni Sen. Jinggoy Estrada na nasa intensive care unit (ICU) si dating Senate President Juan Ponce Enrile, 101, dahil sa pneumonia at napakaliit ng tiyansa na maka-survive.

Sinabi ni Estrada na isang reliable source ang nagpabatid sa kanya ng impormasyon.

“I have information that our colleague former Senate President Juan Ponce Enrile is currently in the ICU of an undisclosed hospital suffering from pneumonia. I heard from a very, very reliable source that he has slim chances of surviving,” ani Estrada.

Sa kalagitnaan ng sesyon, nag-alay ng dasal ang mga senador para kay Enrile, sa pangunguna ni Sen. Joel Villanueva.

Matatandaang si Enrile ang nanguna sa kudeta laban kay dating pangulong Ferdinand Marcos Sr.

Kasalukuyan siyang chief presidential legal counsel ni Pangulong Ferdinand “Bongbong” Marcos Jr.

Isang media outlet naman ang nag-post ng pekeng balita na pumanaw na si Enrile habang ipinagdarasal ng mga senador na maging maayos ang kalagayan nito.