Pinoy nadamay sa Louis Vuitton heist sa Chicago, todas!
MANILA, Philippines — Patay ang isang Pilipino nang mabangga ng mga suspek na tumatakas matapos ang pagnanakaw sa Louis Vuitton sa Magnificent Mile, Chicago.
Ayon sa ulat ng Fox32 Chicago, normal na nagmamaneho si Mark Arceta, 40, patungo sa kanyang trabaho sa isang local hospital nang banggain ang kanyang sasakyan ng mga tumatakas na suspek.
Sinabi sa ulat na halos 100mph ang takbo ng sasakyan ng mga suspek na nanloob sa Louis Vuitton store sa Michigan Avenue nang mangyari ang aksidente.
Iniulat din na umabot sa $700,000 merchandise ang natangay ng mga suspek.
Sinabi ng kinakasama ni Arceta na si Roanne Masangkay na hindi kaagad ipinaalam sa kanya ang nangyari dahil siya ay buntis.
Isinilang ang kanilang anak isang araw matapos mamatay si Arceta.
“They did not want to tell me because I’m pregnant. They did not want me to worry. So, I just grabbed the phone, and then I couldn’t believe it,” naiulat na sinabi ni Roanne Masangkay sa Fox32 Chicago.
Nasa 7 katao ang iniulat na kinasuhan sa nangyaring “smash-and-grab” na nauwi sa fatal crash.
- Latest
