Romualdez, Zaldy Co hindi sasantuhin sa flood control probe – Marcos
MANILA, Philippines — Iginiit ni Pangulong Ferdinand “Bongbong” Marcos Jr. na hindi palalagpasin sina House Speaker Martin Romualdez at dating House appropriations committee chair Rep. Zaldy Co (Ako Bicol party-list) sa imbestigasyon kaugnay ng maanomalyang flood control projects.
“Well there’s no other way to do it: They will not be spared,” pahayag ng Pangulo sa press briefing sa Malacañang kahapon, Setyembre 15.
Ayon kay Marcos, malinaw ang direktiba niya na walang exempted sa gagawing pagsisiyasat ng Independent Commission for Infrastructure sa mga umano’y anomalya at budget insertions sa flood control projects ng nakaraang taon.
Si Romualdez, pinsan ng pangulo at kasalukuyang pinuno ng Kamara, at si Co, dating chairman ng House appropriations committee, ay kapwa iniuugnay sa mga kontrobersyal na pondo para sa flood control projects.
- Latest
