ABP lalahok sa Fire Prevention Month celebration ngayong Marso
MANILA, Philippines — Kaakibat ng masidhing adhikain na “Para sa mas Ligtas na Pinas”, nakikiisa ang “Ang Bumbero ng Pilipinas (ABP) party list sa pagdiriwang ng taunang Fire Prevention month na isinasagawa buong buwan ng Marso. May tema ang pagdiriwang na “ Pag-iwas. Sa Sunog, Hindi ka Nag-iisa”.
Ang ABP party list ay patuloy na magsasagawa ng libreng training para sa bawat komunidad at pamilya sa tamang paghahanda at mabilis na pagtugon sa mga emergency katulad ng sunog, lindol, baha at iba pang kalamidad na ginagawa nila sa pag-ikot sa ibat-ibang lugar sa bansa.
Ayon kay ABP first nominee Jose Antonio “Ka Pep“ Goitia, ang mga miyembro nito na binubuo ng koalisyon ng mga bumbero, fire rescuers at volunteers, ay walang takot at walang sawang magbibigay ng serbisyo kahit anong oras at handang rumesponde sa lahat ng emergency.
Layunin ng ABP partylist na ipaglaban ang pagkakaroon ng maraming benepisyo, insurance at medical assistance ng mga miyembro nito dahil sa kasalukuyan ay minimal allowance at walang suweldo na natatanggap kapalit ng serbisyong ibinibigay sa mamamayan ng mga itinuturing na mga bayani ng sunog.
- Latest
