Mga Pinay kabilang sa ­pinakamagandang babae sa Asya

MANILA, Philippines — Isa ang Pilipinas sa mga bansa sa Asya na may pinakamagandang kababaihan.

Ito ang lumalabas sa  Survey ng “20 Countries with the Most Beautiful Women in Asia” na pinalabas ng financial website na Insider Monkey kung saan pang apat ang Pilipinas.

Base pa sa ulat, nakakuha ang Pilipinas ng score na 0.85. dahil sa aniya ay kilala ang bansa sa magagandang Pinay na may kakaibang halo ng Asian at Spanish features.

Lumalabas na nanguna ang South Korea sa listahan, kung saan karaniwan ang plastic surgery bansa at halos isa sa limang kababaihan ang sumasailalim sa beauty enhancement provedure, base sa report.

Ayon pa sa Insider Monkey, ginamit ng pag-aaral ang scores mula sa ibat ibang sources gamit ang “concensus driven approach” para matukoy ang rankings kung saan pinakamataas ang score na no.1.

Ang top 20 countries na may pinakamagandang kababaihan sa Asya ay South Korea; Japan; Vietnam; Pilipinas; Iran; Malaysia; India.

Gayundin ang China; Singapore; Thailand; Hongkong; Macau; Bhutan; Taiwan; Kazakhstan; Sri Lanka; Pakistan; Myanmar at Laos.