28 House deputy speakers binira!
MANILA, Philippines — Binanatan ni Manila Economic and Cultural Office (MECO) chairman Lito Banayo ang ginawang pagdagdag pa ng 9 na House Deputy Speaker na umabot na sa kabuuang 28.
Ayon kay Banayo, kung dati umano ay 3 lamang ang Deputy Speaker na kumakatawan sa Luzon, Visayas at Mindanao, ngayong 28 na ang mga ito ay lumalabas na sa bawat 1 Deputy Speaker ?ay 10 mambabatas na lamang ang hawak nito.
“Having 28 Deputy Speakers alone means each leader is theoretically in charge of just 10 other peers in the 300-member House. For reasons of self-respect and dignity, naman. Has anyone in the House of Representatives discovered the meaning of ‘gravitas’,” pahayag nito.
Aniya, hind lamang dagdag gastos ang pagkakaroon ng sangkaterbang Deputy Speaker kundi nangangahulugan din ito ng dagdag pa pangingialam sa mga polisiya.
Ani Banayo, sa ginawa ni Velasco na gawin lahat na Deputy Speaker ang kanyang mga kaalyado ay lalo lamang nitong pinababa ang imahe ng Kamara.
Gayundin ang tingin ng batikang political analyst na si Ramon Casiple, aniya, masyado nang pinahahalata ni Velasco na ang galawan sa Kamara ay bilang paghahanda sa 2022 eleksyon, bukod sa dinagdagan nito ang bilang ng Deputy Speaker ay dinagdagan din niya ng ilang bilyong piso ang infrastructure budget ng mga kaalyadong kongresista.
Sa laki umano ng budget ng mga mambabatas ay kalahati lamang ang napupunta sa mga proyekto at kalahati ay sa bulsa.
Una nang sinabi ni Casiple na matuturing nang scandal ang pagkakaroon ng 28 Deputy Speaker dahil hindi kailangan ang ganitong kadami na posisyon na wala namang nagagawa maliban sa dagdag gastos.
- Latest
