Atenistang lasing at nagwala sa kalsada nag-sorry na

MANILA, Philippines – Humihingi ng paumanhin ang Ateneo Blue Eagle basketball player sa publiko matapos masangkot sa panggugulo sa kalsada na kumalat ang video sa social media.

Inilabas ng Ateneo de Manila University sa kanilang Facebook account ang letter of public apology ni John Apacible na nagpakilalang konsehal sa mga pulis at sa inaaway na motorist sa lungsod ng Quezon.

“Ako po ay humihingi ng tawad sa nagawa ko nung nakaraag araw. Alam ko pong ako ay nagkamali,” nakasaad sa sulat ni Apacible na kumalat ang video dahil sa Facebook post ng motoring website Top Gear Philippines.

Sinabi ni Apacible na handa siyang harapin ang mga parusang ipapataw sa kaniya.