Palasyo umamin trapik hindi kaya ng Highway Patrol
MANILA, Philippines – Inamin ng Malacañang na “it’s complicated” ang problema sa traffic sa Metro Manila kung saan ay hindi ito kakayanin lamang ng Philippine National Police-Highway Patrol Group kung walang kooperasyon ng publiko at mga ahensiya ng gobyerno.
Ayon kay Secretary to the Cabinet Rene Almendras na itinalagang traffic czar ni Pangulong Benigno Aquino lll, humihingi sila ng pasensiya at pang-unawa mula sa publiko sa patuloy na pagsisikip ng trapiko matapos italaga ng Punong Ehekutibo ang PNP-HPG na maging katuwang ng Metro Manila Development Authority sa pamamahala ng traffic sa EDSA.
Aniya, kailangan pa rin nila ang tulong ng ibang ahensiya ng gobyerno at ng publiko upang mapagtagumpayan ang paghahanap ng matagalang solusyon sa problema ng trapiko.
- Latest


















