Pinoy ako! – Grace Poe

MANILA, Philippines – Iginiit ni Sen. Grace Poe ngayong Huwebes na siya ay isang Pilipino sa kabila ng isang petisyon upang pababain siya dahil sa pagiging dayuhan.

"I am actually relieved that a petition has been filed so that I can answer the questions on my citizenship and residency,"pahayag ni Poe.

Isang natalong senatorial candidate noong 2013 ang naghain ng petisyon upang tanggalin sa pwesto si Poe na hindi umano isang natural-born Filipino.

Inihain ni Rizalito David kaninang umaga ang petisyon sa Senate Electoral Tribunal, kung saan kinukwestiyon niya ang citizenship at residency ng senadora.

Nitong Hunyo ay inihayag ni United Nationalist Alliance president and Navotas Rep. Toby Tiangco na hindi maaaring makatakbo sa eleksyon 2016 si Poe dahil sa residency requirement.

Inilarawan ni Poe ang pahayag ni Tiangco na desperado taktika upang sirain siya.