Fallen 44 dapat sa Libingan ng mga Bayani
MANILA, Philippines – Isinusulong sa Kamara ng mga opposition congressmen ang paglalagak sa “Fallen 44” sa Libingan ng mga Bayani bilang pagkilala sa sakripisyo ng mga ito.
Sa House resolution 1870 ng Independent Minority bloc sa pangunguna nina Leyte Rep. Ferdinand Martin Romualdez at Buhay partylist Rep. Lito Atienza, nakasaad na pinakamabigat na sakripisyo ang ibinigay sa bansa ng 44 SAF at itinuturing na bayani ang mga ito.
Maging si Pangulong Aquino ay kinilala ang kabayanihan ng Fallen 44 sa Necrological rites para sa mga nasawi kaya nababagay ang mga ito sa Libingan ng mga Bayani sa Fort Bonifacio, Taguig.
Bagamat ang libingan ng mga bayani ay itinatag para sa mga nasasawing magigiting na sundalo, maaari naman umanong ilibing dito ang Fallen 44 dahil marami na rin naman non-military personnel na nailibing dito bilang pagkilala sa kanilang kontribusyon sa bansa.
- Latest
