PNP chief Purisima itinanggi ang 10-hektaryang lupa sa Batangas

MANILA, Philippines - Pinabulaanan ni Philippine National Police (PNP) chief Director General Alan Purisima ngayong Martes ang paratang na mayroon siyang 10-hektaryang lupa sa Batangas.

Sinabi ni PNP spokesperson Chief Superintendent Wilben Mayor na walang ideya si Purisima kung nanggaling ang impormasyon.

"The Chief PNP denies these allegations and has no knowledge whatsover about the acquisition or disposition of the said property," pahayag ni Mayor.

Pinaiimbestigahan na ni Purisima kung paano nadawit ang kanyang pangalan sa isyu.

Ayon sa isang ulat, hindi nakasaad sa statement of assets, liabilities and net worth ni Purisima ang naturang lupain.