Karnaper na lolo, timbog

MANILA, Philippines - Himas rehas ang isang 56-anyos na lolo matapos masakote ng mga barangay tanod sa pagtangay sa isang motorsiklo sa Sta. Mesa, Maynila, kahapon  ng umaga.

Nagtamo pa ng sugat sa noo  at tuhod na nai-turn over na sa Manila Police District-Anti Carnapping Unit ang suspek na si Lorencio Bobis,   residente ng Brgy. Addition Hills, Mandaluyong City. Ito’y dahil sa reklamong idinulog ng biktimang si Mansueto Pugo Jr., 44, Bataan St., Sta. Mesa.

Nabatid na habang abala ang biktima sa paghahakot ng mga telang tatahiin para sa graduation ay saka naman sinamantala ng  suspek na tangayin ang nakaparadang motorsiklo ng una  sa tapat ng kaniyang bahay  dakong alas-7:30  ng gabi.

Nakita lamang ng kapatid ng biktima ang pagpapatakbo ng suspek sa motorsiklo kaya hinabol at nagpatulong sa mga barangay tanod na nakadakip sa suspek.

Nataranta umano ang suspek dahil sa mga humahabol na awtoridad kaya nabangga sa pader dahilan upang magkasugat at hindi na makatakas.