Chinese med na ‘wa epek’ pinapa-recall ng FDA

MANILA, Philippines - Pinatatanggal ng Food and Drug Administration (FDA) sa mga botika ang isang brand ng antibiotic na nagmula sa China dahil sa ilang isyung pangkalusugan.

Batay sa FDA advisory, pinapa-recall na ang Amoxicillin 500 mg capsule na may tatak na Ambimox at batch number 130216.

Gawa umano ito ng CSPC Zhongnuo Pharmaceutical Company.

Sinasabing sinuri ng FDA ang naturang gamot at lumabas na wala itong kakayahang makapagpagaling at sa halip ay maaari pang magdala ng panganib sa mga iinom.

Maituturing umano itong panloloko sa publiko sa kabila ng kanilang pag-aanunsiyo  na nakagaga­ling  ng sakit.