Padilla bagong PhilHealth chief

MANILA, Philippines - Itinalaga ni Pangulong Aquino si DOH Underse­cretary Alex Padilla bilang bagong president at chief executive officer ng PhilHealth.

Sinabi ni Deputy Presidential Spokesperson Abigail Valte, inabutan ng election ban si Usec. Padilla kaya hindi agad naitalaga bilang PhilHealth chief matapos mag-resign si Eduardo Banzon kaya itinalaga muna ni PNoy si Health Sec. Enrique Ona bilang officer-in-charge.

Ayon kay Valte, mananatili pa rin bilang chairman ng government panel sa peace talks sa National Democratic Front (NDF) si Padilla kahit itinalaga na ito bilang PhilHealth chief.

Aniya, tiwala si Pangulong Aquino na magagampanan pa rin ni Padilla ang pagiging chairman ng go­vernment panel nito sa peacetalks sa NDF.