Political will hingi kay PNoy

MANILA, Philippines - Political will lang ang kailangan para mapanagot ng administrasyong Aquino ang mga personalidad na sangkot sa “Hello, Garci” election scandal.

“Kailangan ngayon ang political will at desisyon ng ehekutibo para makasuhan ang mga nagpakana sa pandaraya,” sabi ng secretary-general ng Bagong Alyansang Makabayan na si Renato Reyes.

Sinabi pa ni Reyes na kailangan lang kunin ng kasalukuyang administrasyon ang resulta ng naunang imbestigasyon ng Kongreso at ang mga dokumentasyon ng ilang grupo para habulin ang mga sangkot sa dayaan sa halalan.

Tinutukoy sa “Hello Garci” ang nai-“taped” na pag-uusap sa telepono nina dating Pangulong Gloria Arroyo at dating Commission on Election Commissioner Virgilio Garcillano hinggil sa eleksyon sa Mindanao noong 2004.