LTO-DOTC dapat nang bayaran ang utang sa Stradcom

MANILA, Philippines - Hinimok kahapon ni Rep. Rogelio Mercado si Pangulong Benigno Aquino III para ayusin at bayaran na ng Land Transportation Office (LTO) ang IT pro­vider nito para maresolba ang kaguluhan sa pagitan ng LTO at Stradcom Corporation upang maiwa­san ang kaguluhan sa kasalukuyang sistema ng nasabing ahensiya ng gob­yerno.

Sinabi ni House Committee on Transportation and Communications chairman Rep. Mercado, kaila­ngang obligahin ng pamahalaan ang DOTC at LTO na bayaran ang utang nila sa Stradcom.

Sa kanyang inilabas na committee report, magkakaroon ng mas matin­ding problema oras na tu­migil ang Stradcom sa operasyon­ nito sa LTO dahil hanggang ngayon ay hindi pa binabayaran ang P1 billion na utang ng una.

Malaki ang posibili­dad na magkaroon ng tunay na kaguluhan sa kasalukuyang sistema ng LTO sa sandaling tumigil ang operasyon ng Stradcom dahil sa patuloy na pagkabigo ng ahensya na bayaran ang pagka­kautang.

Hindi naniniwala si Mercado na kaya ng LTO ang mag-manual operas­yon dahil duda ito na wa­­lang mga kagamitang na­ka­ handa ang nasa­bing ahensiya oras na huminto ang Stradcom sa kanilang operasyon.