5 volcanic quakes, naitala sa Bulusan

MANILA, Philippines - Limang panibagong pagyanig ang naitala sa Mt. Bulusan sa Sorsogon sa nakalipas na 24 oras kahit na nasa alert level 1 pa rin ang naturang bulkan.

Ayon sa Philippine Institute of Volcano­logy and Seismology (Phivolcs), walang pag-agos ng lahar na naitala sa kabila ng mga pag-ulan ngayon sa Bicol Region.

Kaugnay nito, bigo pa rin ang Phivolcs na masilayan ang crater ng Bulusan bunsod ng makapal na kaulapan.

Sa ngayon ay na­nanatili ang pagbabawal ng Phivolcs na pumasok ang sinuman sa loob ng 4-kilometer permanent danger zone dahil sa posibleng biglaang pagbuga ng abo ng Bulusan.

Inabisuhan na rin ng ahensiya ang mga piloto na iwasang dumaan malapit sa tuktok ng Bulusan.