Retiradong sundalo nagbantang gagayahin si Mendoza

MANILA, Philippines - Naalarma ang Senate Blue Ribbon Oversight Office Management o BROOM makaraang ma­katanggap ng isang tawag kamakalawa (Set­ yembre 1) mula sa isang retiradong sundalo na may matagal ng naisu­miteng reklamo at nag­banta na gagayahin nito ang nasawing hostage-taker na si Snr. Insp. Ro­lando Mendoza kapag hindi pa ito inaksyunan.

Kinilala ang tumawag na si retired T/Sgt. Char­mie Palencia na humi­hiling na mapasama sa kan­yang benepisyo sa military service ang kan­yang   broken service mula Pebrero 1988 hanggang 1994.

Dahil dito, agad na sumulat si BROOM Director- General Rodolfo Noel Quimbo kay Philippine Army Commanding   General Arturo Ortiz at kay Defense Undersec­ retary Pio Batino para ipabatid ang pagbabanta na ito ni Palencia.

Sinabi ni Quimbo na bagama’t madalang mag-follow up ng kaniyang reklamo sa tanggapan ng BROOM si Palancia, na­alarma sila ng magbanta na ito na gagayahin ang hostage taker na si Men­doza.

Ayon pa kay Quimbo sa tuwing tatawag si Pa­lencia sa kanilang tang­gapan para mag follow up sa kanyang reklamo ay nagbabanta ito na mag po-protesta sa Luneta at ka­makalawa nga ay na­nakot na ito na gagayahin ang ginawa ni Mendoza na nang-hostage.