Tax exemptions ng senior citizen tinawag na 'idiotic tax' ni Osmeña

MANILA, Philippines - Mistulang walang pakialam si Sen. Sergio Osmeña III kung ma­galit sa kaniya ang mga katulad niyang senior citizens matapos ta­wagin nitong “idiotic tax” ang pagbibigay ng tax exemptions sa mga matatanda at sa mala­laking korporasyon na binibigyan ng tax incentives.

Ayon kay Sen. Osmeña, sa nakalipas na dalawang taon sa ilalim ng panunung­kulan ni dating Pangu­long Gloria Macapagal-Arroyo, nasa P100 bil­yon ang nawala sa gob­yerno dahil sa mga tinatawag na “idiotic tax exemptions” kasama na ang ibinibigay sa mga senior citizens na libre na ngayon sa pagba­bayad ng value added tax.

Hindi aniya tama ang pagbibigay ng tax exemptions dahil malaki ang nawawala sa gob­yerno.

Ipinahiwatig din nito na wala siyang paki­alam kung magalit sa kaniya ang mga senior citizens na hindi umano dapat binibigyan ng tax exemptions.

Hindi aniya dapat nagbibigay ng tax exemption ang gobyerno dahil magiging dahilan ito para maging “inefficient” ang sistema ng pamahalaan at salungat din siya sa pagbibigay ng tax incentives sa mga malalaking korpo­rasyon na hinihikayat na mamuhunan sa bansa.