Fixer sa DFA naglipana pa rin

MANILA, Philippines - Nagbabala kahapon ang Department of Foreign Affairs (DFA) sa publiko na mag-ingat sa mga fixer na nagkalat sa paligid ng kagawaran at patuloy na nambibiktima ng mga aplikante ng pasaporte.

Ito ay matapos na ma­diskubre ng DFA-Office of Consular Affairs na baga­man high-tech na ang pag­poproseso ng maka­ba­gong e-passport ay patuloy pa rin ang mga sindikato at indibidwal na nanghihingi ng bayad sa mga applicant kapalit ng passport appointment.

Nilinaw ng DFA-OCA na ang pagkuha ng appointment para sa passport processing ay libre o walang bayad.

Ang lahat ng mga ka­hina-hinalang alok kaug­nay sa pagkuha ng pasa­porte ay maaaring ireport sa Office of the Passport Director habang ang mga katanungan at kahilingan ay maaari umanong idi­rekta sa mga tauhan ng DFA-OCA Public Assistance.