Cousins lalaro para sa SGA sa Dubai meet
MANILA, Philippines — Isang malakas na pwersa ang ipaparada ng Strong Group Athletics sa 2025 Dubai International Basketball Tournament na gaganapin sa Enero 24 hanggang Pebrero 2 sa Dubai, United Arab Emirates.
Kinuha ng SGA ang serbisyo ni dating NBA star DeMarcus Cousins upang palakasin ang kanilang tropa para sa naturang annual cagefest.
Mismong si Cousins na ang nagsiwalat ng magandang balita sa kanyang social media post.
Excited na ang NBA veteran na makasama ang mga Pinoyc cagers at coaches para sa Dubai meet.
“I’m excited to announce that I’ll be teaming up with Coach Charles Tiu, Jacob Lao and Strong Group Athletics to represent the Philippines in the Dubai International Basketball Tournament,” ani Cousins.
Target ni Cousins na tulungan ang SGA na masungkit ang korona sa edisyong ito.
Hindi naman na bago si Cousins sa sistema ng laro sa Pilipinas dahil kabisado na nito ang Pinoy style.
Nasilayan na sa aksyon ang 6-foot-10 NBA player kasama ang Zamboanga Valientes kung saan pinagharian ng tropa ang The Asian Tournament na ginanap sa Zamboanga City.
- Latest
