MANILA, Philippines - Sinuspinde kahapon ng Commission on Elections (Comelec) ang special elections sa bayan ng Al Barka sa Basilan.
Sinabi ni Comelec Commissioner Rene Sarmiento, ito ay dahil sa natuklasan na magkaibang resolution ang inihain mula sa election at barangay affairs Department ng Albarka noong nakaraang buwan.
Nabatid na ang unang resulution ay may petsang May 26 kung saan nakasaad na natuloy ang eleksyon sa walong barangay sa nasabing bayan sa kabila ng umanoy tensyon dito.
Subalit sa ikalawa namang resolution inirekomenda ang special elections sa naturang bayan partikular na sa mga barangay na Dinapah, Kali, Bato-Bato, Apil Apil, Bucalao, Sangkahan, Cambug at Look Bisaya.
Ayon sa Comelec iimbestigahan muna nila ang paglabas ng dalawang resolution upang malaman kung kailanga pa o hindi ang special elections sa Al Barka Basilan. (Gemma Garcia/Mer Layson)