Customs police official, iniimbestigahan sa pekeng eligibility

MANILA, Philippines - Isinailalim sa imbes­tigasyon ng Civil Service Commission ang isang ranking Customs police official na naakusahan ng smuggling at pangha-harass ng isang broker sa Subic port may ilang taon na ang nakakaraan, dahil umano sa pagpalsipika sa kan­yang government service eligibility test.

Kasalukuyang binubu­sisi ng National Capital Region Office ng CSC ang lahat ng mga dokumen­tong may kaugnayan sa government service ni Customs Enforcement and Security Service Maj. Ramon Policarpio kasunod ng impormasyong peke ang kanyang civil service examination paper.

Si Policarpio, nakata­laga sa Port of Manila bilang district police commander, ay na-promote ka­makailan, mula sa rang­gong captain siya’y naging major.

Kaugnay nito, sinabi naman ni Customs Commissioner Napoleon Morales, iniutos niya sa bu­reau’s administration office na imbestigahan ang kaso.

Noong Oktubre 2008, isang female broker mula sa Red Archer General Ser­vices ang naghain ng rek­lamo laban kay Policar­pio, noo’y district police commander sa Subic Port, dahil sa sexual harassment.

Ngunit itinanggi ito ni Policarpio at sinabing ito ay kaso ng mistaken identity “thinking that she is a friend.”

Noong 2007, sinibak si Policarpio at 24 sa kan­yang mga ahente dahil sa sinasabing pagkakasang­kot sa smuggling activities.