P2-B gastos ng kandidato bago kampanya, ligal - Comelec

MANILA, Philippines - Walang nilalabag na batas ang mga presidential candidate na gumastos ng P2 bilyon para sa ka­nilang polical ads bago ang campaign period.

Ito ang binigyan-diin ni Commission on Elections (Comelec) Law Department head Atty. Ferdinand Rafa­ nan sa ulat na anim na presidential candidates ang sina­sabing pumalo na sa ma­higit P2 bilyon ang ginastos sa mga political advertisement bago pa nagsimula ang opisyal na kampanya.

Ayon kay Rafanan, batay sa mga naunang ‘rulings’ o desisyon ng Korte Suprema, lumilitaw na burado na ang lahat ng inaakala ng publiko na paglabag ng mga kandi­dato kaugnay ng overspending sa kampanya.

Paliwanag ni Rafanan, wala kasing bisa ang anumang election offense bago ang Pebrero 9, 2010.

Nangangahulugan lamang na maaaring mag­pataw ng parusa kung may paglabag mula Pebrero 9 hanggang sa mag-elek­syon. (Doris Franche)