7 bayan sa Aklan nasa Comelec watchlist

MANILA, Philippines - Pitong bayan sa lala­wigan ng Aklan ang isi­nailalim na sa election watchlist ng Police Regional Office 6 (PRO6) sa nalalapit na eleksyon sa Mayo 2010.

Ayon kay Col. Ranulfo Demiar, Public Informa-tion Officer ng PRO6, ang nasabing mga bayan ay ang Banga, Batan, Bu­ruanga, Ibajay, Kalibo, Mali­nao at New Washington na itinuring na category 1.

Nilinaw ni Demiar na ikina-classify ang isang lugar sa category 1 kung may election related violence sa nakalipas na tat­long halalan, pero walang kinalaman ang mga domestic terror groups ka­gaya ng CPP-NPA.

Bukod pa anya dito, ang nangyaring matin­ding partisan political rivalry, posibleng deployment ng partisan armed groups at pagkakaroon ng mga gulo na may ba­hid pulitika.

Samantala, ipinauu­ba­ya naman ng PRO6 sa local PNP units ang pag­ba­bantay sa sitwasyon sa Aklan pero kung mag­ka­roon aniya ng kagul­uhan, posibleng mag-deploy sila ng augmentation.

Kaugnay nito, malala­gay naman sa category 2 ang isang bayan kapag may mga kaguluhang dulot ng CPP-NPA. May kabuu­ang 48 na lugar sa buong western Visayas ang isina­ilalim sa watch­lists ng PNP para sa 2010 election.

Nangunguna aniya sa mga binabantayan ng pu­lis­ya ang lalawigan ng Iloilo na may 16 na bayan, si­nun­dan ng Ne­g­­ros Occidental kung saan 10 muni­sipa­lidad ang kanilang mino­monitor. (Ricky Tulipat)