'Gumamit ng ligtas na Christmas lights'

MANILA, Philippines - Hinikayat ni Caloocan City Mayor Enrico “Recom” Echiverri ang mga resi­dente na gumamit lamang ng ligtas na Christmas lights ngayong panahon ng Kapaskuhan upang maka­iwas sa mga peligro ng sunog at pagka-kuryente.

Inatasan din ni Mayor Recom si City Adminis­trator Russel Ra­mirez at Caloocan Market Inspection Division na bantayan ang mga ibine­bentang Christmas lights sa lung­sod at tiya­king mayroon ang mga itong tamper-proof na Import Commodity Clearance (ICC) mula sa Department of Trade and Industry-Bureau of Product Standards.

Kanya ring hinimok ang mga retailer na umiwas sa pagtitinda ng mga substandard na Christmas lights, lalo na ang may maninipis na wire at malalambot na saksakan o plug.

Bubusi­siin din ng inspection team ang mga ICC certificate upang masiguro na ang pet­sang nakatatak sa mga ito ay hindi mas maaga ng 2006.