Beach, garden, hotel wedding bawal na

MANILA, Philippines - Ipinagbabawal na ni Manila Archbishop Gau­dencio Cardinal Rosales ang pagsasagawa ng hotel, garden at beach wedding dahil ito ay taliwas sa totoong kahulugan ng Christian marriage.

Ayon sa Cardinal, sa halip na sa loob ng Simba­han idaos ang matrimon-ya ng kasal, ay pinapu­pun­ta ang Pari sa lugar kung saan nais ng mga magka­sintahan na idaos ito, na hindi aniya tama.

Batay sa kautusan ng Cardinal, lahat ng Catholic marriages sa Maynila ay dapat sa loob ng mga parokya gagawin.

Ito ay upang maiwa-san na mapulaan at mala­bag ang sakramento ng kasal at maipatupad ng maayos ang lahat ng “eccle­siastical laws.”

Gayunman, hindi na­man sakop nito ang mga “in pe­riculo mortis” cases o kung ang groom o bride ay nasa bingit na ng kamatayan.

Nakasaad sa Canon law na kailangan na sa simbahan lamang isagawa ang kasal at saka isagawa ang reception sa anumang lugar na nais ng nagpakasal.

Aniya, dito mararamda­man ang tunay na sakra­men­to ng  pag-iisang dib­dib at responsibilidad ng dalawang tao.

Pinaalalahanan din ni Rosales ang mga ikaka- sal na mas dapat tutukan ang solemnity ng kanilang kasal at hindi ang damit, imbitas­yon na tulad na nang­yayari ngayon sa mga iki­nakasal.

Sa ngayon kasi anya ay mas nabibigyang aten­syon ang pagiging bongga ng kasal kaysa sa kahala­gahan at pagiging solemn nito. (Doris Franche/Mer Layson)