Pacman dapat gayahin ng mga kabataan

MANILA, Philippines - Hinikayat ng Department of Education ang mga kabataan na na­tigil sa pag-aaral at maagang nasub­ sob sa pagtatrabaho na gawing idolo at sundan ang yapak ni boxing icon Manny Pacquiao na tinapos ang edukasyon nito sa pama­magitan ng “Alternative Learning System (ALS)”.

Sinabi ni Secretary Jesli Lapus na hindi dapat ma­walan ng pag-asa na maka­tapos sa pag-aaral ang milyon-milyong “out of school youths” lalo na iyong napilitang magtra­baho na lamang tulad ni Pacquiao.

Natapos ni Pacquiao ang pag-aaral nito sa elementarya at high school nitong 2006 sa pamama­gitan ng progra­mang ALS na maaaring makapag-aral ang isang indibidwal kahit wala sa paaralan sa pama­magitan ng mga materya­les na pag-aaralan nito sa sariling oras at makaka­tapos kung maipapasa ang mga angkop na pagsusulit.

Sinabi pa ni Lapus na kanilang ipinagmamalaki si Pacquiao na kanilang Ambassador para sa ALS. (Danilo Garcia)