Apela ng Pinay sa Saudi: Makapiling sa huling sandali ang nasawing mister sa Palawan

­MANILA, Philippines - Umapela kahapon ang isang Pinay na nagigipit   sa Saudi Arabia na tulu­ngan siyang agad na ma­kauwi sa Pilipinas upang makapiling sa hu­ling san­dali ang kanyang asawa na nasawi sa aksidente    sa Palawan.

Ayon sa Migrante Mid­dle-East, hinihiling ng OFW na si Emily Lucero, 33, ng nasabing lalawigan na aga­rang makauwi sa Pili­pinas upang masilip nito ang kanyang asawang si Edgar na namatay mata­pos na mabangga ang kanyang minamanehong tricycle ng gasoline truck sa Puerto Princesa. Idi­nek­larang dead-on-the spot    si Edgar habang nanana-tiling nasa kritikal na kon­disyon ang kanyang da-   la­wang pasahero.

Ayon kay John Leo­-nard Monterona, Migrante-Middle East regional coordinator, nagkausap pa   ang mag-asawang Luce­ro bago naganap ang ak­sidente at sinabi ni Emily sa kanyang mister na   uuwi siya ngayong Ka- pas­kuhan upang maka­piling ang dalawa nilang anak.

Si Lucero ay kabilang sa may 42 nagigipit na OFWs na nag-alsa at tu­migil sa pagtatrabaho sa kumpanyang Al Anasban matapos na mabigo ang kanilang employer na mai­bigay ang 2 hanggang 3 buwan nilang sahod at ilegal na pagbabawas ng kanilang suweldo at iba pang paglabag sa kontra­ta. (Ellen Fernando)