'Lepto' nakukuha rin sa basura

MANILA, Philippines - Pinamamadali ng Department of Health sa mga kinauukulang ahensya ng gobyerno ang paglilinis sa mga nakatambak na basu­rang iniwan ng bagyong Ondoy at Pepeng.

Ayon kay Dr. Eric Ta­yag, chief epidemiologist ng DOH, nagpipiyesta nga­yon ang mga daga at langaw sa mga hindi na­kukuhang basura lalo sa mga lansangan.

Maari aniyang naihian ng daga ang mga pagkain kaya dapat maging malinis sa lahat ng mga bagay.

Ang leptospirosis ay nakukuha sa ihi ng daga na nakakalat sa tubig baha at maaring pumasok sa katawan ng tao kapag lumusong sa tubig na may sugat ang paa.

Pero nilinaw din ni Tayag na hindi lamang sa tubig-baha nakukuha ang sakit kundi maging sa mga restawran o anumang kainan.

Nabatid na karamihan sa mga biktima ng leptos­pirosis ay mga kalalaki­hang nasa tamang edad na at hindi mga bata at kababaihan na karaniwang kinakarga o nakasakay sa bangka dahil ang mga kalalakihan ang lumulu­song sa tubig-baha kaya sila ang karaniwang tina­tamaan ng sakit.

Muli namang ipinaalala ang apat na ‘L’ kaugnay sa sakit na leptospirosis ka­bilang dito ang ‘lalake sa baha, lumusong sa tubig-baha, lagnat makalipas ang 10 araw, leptospirosis.’ (Doris Franche)