BI chief pasok sa top 8 ng 'Lingkod-Bayan' award

MANILA, Philippines - Nakapasok si Bureau of Immigration (BI) Com­mis­sioner Marcelino Liba­nan sa listahan ng walong semi-finalists sa Presidential Lingkod-Bayan award mula sa Civil Service Commission (CSC).

Si Libanan ang tanging presidential appointee na nanomina sa prestihi­yosong award ngayong taon.

“I am grateful to the CSC for this recognition. This has truly inspired me to continue to work harder in transforming our immigration service into a world-class and efficient agency worthy of our people’s pride and the respect of our foreign visitors,” wika ni Libanan ma­ta­pos tu­mang­gap ng ser­tipi­ka­syon ng pag­ ki­lala bilang se­mi­fi­na­list kama­ka­ilan sa Camp Crame, Quezon City.

Nanini­w­ala si Libanan na ang pagkilala ay resulta ng seryoso at walang sina­san­tong re­porma na kan­yang sinimulan sa BI mula nang maitalaga noong May 2007.

Pinapurihan ng BI chief ang rank-and-file ng BI sa pagsuporta sa kanyang mga programa, tulad ng visa issuance made simple (VIMS) scheme, pre-arranged visa upon arrival (PVUA) program, special visa for employment ge­neration (SVEG), ang regionalization program, at ang paglalagay ng BI satellite offices.

Naisama si Libanan sa nasabing listahan dahil sa kanyang paglilinis sa ahen­siya na tinagurian noon bilang isa sa pinakatiwaling ahensiya ng gobyerno.

Napatigil din ni Libanan ang talamak na escort racket sa NAIA at sa walang humpay na kam­panya niya laban sa human trafficking at illegal recruitment. (Butch Quejada)