GMA 'di mai-impeach sa magarbong dinner-DOJ

MANILA, Philippines - Hindi maaaring gami­ting batayan para sa pag­hahain ng impeachment complaint laban kay Pa­ngulong Gloria Arroyo ang magarbong hapunan sa Le Cirque Restaurant sa New York na umanoy ginas­tusan ni Rep. Ferdi­nand Martin Romualdez.

Ito ang iginiit ni Jus-  tice Sec. Agnes Deva­na­dera na isa rin sa mga kasama sa nasabing hapunan.

Ayon kay Devanadera, tanging mga high crimes lamang na isinasaad sa Konstitusyon tulad ng korupsyon ang maaring gamiting batayan sa pag­hahain ng impeachment complaint.

Ang nasabing hapu-nan umano ay isang imbi­tasyon lamang  mula sa isang kaibigan at hindi naman ito maaaring tang­gihan ng Pangulo.

Nilinaw ni Devanade- ra na hindi naman masya­dong sosyal ang Le Cir-que Restaurant taliwas    sa nais palabasin ng mga kritiko ng administrasyon. 

Idinagdag pa ng Ka­lihim na nang gabing ku­main sila sa nasabing restaurant ay may mga naka­sabay pa silang grupo ng mga Filipino na nagse-celebrate ng kaarawan na patunay lamang umano ito na affordable naman ang Le Cirque at hindi kasing sosyal tulad ng pinapala­bas ng oposisyon. (Gem­ma Garcia)