SONA ni GMA masusundan pa

MANILA, Philippines - Marami pang SONA ang maririnig umano mula kay Pangulong Gloria Arroyo sa mga susunod na taon dahil hindi niya nilinaw sa sinasabing huli niyang State of the Nation Address noong Lunes na hindi na siya kakandidato sa halalang pampangulu­han sa 2010.

Ito ang palagay ng ne­gosyanteng kritiko ng Pa­ngulo na si Joey de Vene­cia III na nagsabi pa na sinayang ng Punong Ehe­kutibo ang pagkakataon sa huling SONA sana nito na makuha ang simpatya ng publiko.

Sinabi ni de Venecia na hindi ipinahayag ng Pa­ngulo ang planong pulitikal nito sa susunod na taon kaya lalong naghihinala ang mamamayan na patu­loy na kakapit sa kapang­yarihan si Gng. Arroyo.

Kung sakaling opisyal nyang ipinahayag sa kan­yang SONA na wala na syang balak pang palawi­gin ang kanyang termino sa Malakanyang, maging ang mga kritiko niya ay posibleng bigyan sya ng standing ovation at masi­ga­bong pa­lakpak ngunit hin­di niya ito gina­wa, ayon pa kay de Vene­cia.

Isang bagay lang ang masasabi ni de Venecia na maganda sa nakaraang SONA ni Gng. Arroyo, ang suot na gown nito na gawa ng sikat na fashion designer na si Inno Sotto. (Butch Quejada)