Libingan ni Cardinal Sin bukas na sa publiko

MANILA, Philippines - Inalala ng Simbahang Katoliko ang ikaapat na taong anibersaryo ng kamatayan ni dating Manila Archbishop Jaime Cardinal Sin kahapon.

Kaalinsabay ng naturang okasyon, binuksan rin sa publiko ang crypt o libingan ng yumaong Cardinal na mata­tagpuan sa ilalim ng Manila Cathedral sa Intramuros, Maynila.

Si Sin ay nakilala dahil sa malaking papel na ginam­panan nito sa tagumpay ng dalawang EDSA people power revolt sa bansa noong 1986 at 2001, na siyang nagpa­ bagsak sa rehimeng Marcos at administrasyong Estrada, at nagluklok naman sa pwesto kina dating Pangulong Corazon Aquino at Pangulong Gloria Macapagal-Arroyo. Ang dating Cardinal ay binawian ng buhay noong Hunyo 21, 2005 bunsod ng karamdaman. (Mer Layson)