Klase sinuspinde

MANILA, Philippines - Sinuspinde ng Department of Education ang lahat ng klase sa elemen­tarya at high school sa Metro Manila kahapon araw dahil sa walang hum­pay na pagbuhos ng ulan.

Sinabi ni DepEd Secretary Jesli Lapus na iniutos niya ang suspension mata­pos na payuhan siya ng mga weather expert ng Philippine Atmospheric Geophysical and Astronomical Services Administration sa pag­sama ng panahon.

Ipinalabas ni Lapus ang suspensyon dakong alas-3:00 ng hapon.

 Sinasabi sa datos ng PAGASA na, bagaman walang bagyo, matinding pagbabaha na sa mara­ming lugar sa Metro Manila ang naitatala dahil sa walang puknat ng ulan.  Inaalala rin ng DepEd ang kalusugan ng mga bata dahil sa lamig ng pana­hon.

Inaasahang bandang alas-10:00 pa kagabi ma­ka­kapagpalabas ng payo ang DePed kung susus­pindihin din ang klase sa mga eskuwelahan nga­yong Huwebes. (Danilo Garcia)