Pananatili ng Pandacan oil depot, malabo pa

MANILA, Philippines - Hindi pa lubos ang ta­gumpay ng mga konse­hal na pabor sa pagpa­pa­natili ng oil depot at ng iba pang mga kompanya sa Pan­dacan, Maynila dahil pag-aa­ralan pa ito ni Manila Mayor Alfredo Lim sa loob ng 15 araw kung saan isa­sa­gawa din ang mga kon­sul­tasyon sa iba’t ibang sektor.

Ayon kay Lim, hindi pa niya natatanggap ang kopya ng naipasang Ordinance No. 7177 na ina­akda ni Manila 1st District Councilor Arlene Koa su­balit titiyakin niyang susun­din niya ang utos ng korte at ang kapakanan ng na­ka­rarami.

Aniya, kailangan na balansehin ang lahat ng aspeto dahil dito rin naka­sa­lalay ang pagkalugi at pag-unlad ng Maynila.

Aminado si Lim na nga­yon lamang niya naitin­dihan ang ordinansang na­ipasa dahil hindi niya pina­kikialaman ang trabaho ng konseho na pawang le­gis­lative. Aniya, hiwalay ang executive sa legislative.

Lumilitaw naman na uma­abot sa halos P70 mil­yon ang buwis kada taon ang mawawala sa city govern­ment sakaling ma­wala ang top 7 companies sa Pandacan.

Samantala, tahasang sinabi ni Manila 6th District Councilor Bonjay Isip-Garcia na dapat na i-veto ni Mayor Lim ang ipina­sang Ordinance No. 7177 ng City Council o “ Manila Comprehensive Land Use Plan and Zoning Ordinance of 2006”.

Ayon kay Garcia, illegal ang nasabing ordi­nansa na posibleng mag­dulot lamang ng mas mala­king panganib at pagkalugi ng lungsod.

Hindi naman mawa­wala ang revenue at employment sa lungsod sa­kaling mapalayas na mga industriya sa Pandacan, Maynila tulad na rin ng kina­tatakutan ng pamaha­laang lungsod ng Maynila.

Sa katunayan umano, mas tataas pa ang presyo ng lugar kung hindi na ma­ibibilang ang mga ito sa industrial site. Binanggit din ng lady councilor na ang oil depots na maituturing na highly pol­lutive at hazardous indu­stries ay kaila­ngang mai-relocate sa countryside kung saan hindi sila maka­pagdudulot ng panganib sa buhay at kabuhayan.