Utang ng bansa umakyat sa P4.221 trillion ngayon

Ikinumpara ni Senator Francis “Chiz” Escudero sa “double your money scheme” ng Legacy Group ang utang ng Pilipinas na umaabot na sa P4.221 trilyon noong huling buwan ng 2008 dahil nadoble umano ito sa loob lamang ng walong taong panunungkulan sa puwesto ni Pangu­long Gloria Arroyo.

Ayon kay Escudero, umabot na sa P2.2 tril­yon ang nauutang ng kasalukuyang adminis­trasyon simula ng ma­luklok sa Malacañang si Arroyo noong noong 2001.

Naniniwala si Escu­dero na ang stimulus plan ng gobyerno ay hin­di dapat maging sangkalan para sa mas malaki pang pangu­ngu­tang kung saan ginagamit lamang ang tutulungan umanong mahihirap.

Sinabi pa ni Escu­dero na mas maraming salapi ang itinutustos ng pamahalaan sa pag­babayad ng interes at prinsipal simula noong 2001 hanggang 2008.

Umaabot umano sa P1.448 bilyon bawat araw ang ibinabayad ng sambayanang Pili­pi­no sa inuutang na P759 milyon bawat araw.