Manggagawa sa Samuya sinuri kung Salmonella carrier

MANILA, Philippines - Sumailalim sa rectal swabbing ang mga mang­gagawa ng Sa­muya Food Manufacturing Inc. na nasa hanay ng production o may direktang pag­­hawak sa mga pag­kaing produkto upang ma­kati­yak na ligtas ito sa Salmonella bacteria contamination.

Layunin nito na ma­tukoy kung mayroong Salmonella carrier sa mga manggagawa at upang maagapan ang sakit.

Samantala, bukod sa mga brand ng peanut butter na gawa ng Samuya na Yummy at Ludy’s, isi­nali na rin sa reclall order ng DOH ang Ludy’s Coco Jam at Ludy’s Instant Salabat.

Ito’y dahil sa nakitang maruming lugar ng pa­gawaan tulad ng semen­tadong flooring sa factory na dikitin ng alikabok at mga bahagi ng pagawaan na walang bubong na dapat umano ay naka-tiles.

Kabilang din sa sinu­suri ang tubig at mga mani na inangkat pa sa China at India.

Pinag-aaralan na rin ng DOH ang posibleng pag­sasampa ng kaso laban sa Samuya. (Ludy Bermudo)